ឯកឧត្តម គឹម ធា ជាសមាជិកក្រុមសមាជិកព្រឹទ្ធសភាប្រចាំភូមិភាគទី៦ បានអញ្ជើញចុះជួបជាមួយ សមាជិកក្រុមប្រឹក្សាឃុំរាជមន្ទីរ ស្រុកកំពង់រោទ៍ ខេត្តស្វាយរៀង និងមន្ត្រីអនុវត្ត គម្រោងប្រចាំការ នៅការដ្ឋានស្តារព្រែកចាស់ ប្រវែង៨គ.ម ជម្រៅ៣ម មាត់លើ២០ម បាត៨ម
ថ្ងៃទី0២ ខែមិថុនា ឆ្នាំ២០២៤ ឯកឧត្តម គឹម ធា លេខាធិការគណៈកម្មការទី៦ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៦ និងឯកឧត្តម ប៊ុន សាវ៉ាន់ សមាជិកក្រុមប្រឹក្សាខេត្តស្វាយរៀងបានអញ្ជើញចុះជួបជាមួយ សមាជិកក្រុមប្រឹក្សាឃុំរាជមន្ទីរ ស្រុកកំពង់រោទ៍ ខេត្តស្វាយរៀង និងមន្ត្រីអនុវត្ត គម្រោងប្រចាំការ នៅការដ្ឋានស្តារព្រែកចាស់ ប្រវែង៨គ.ម ជម្រៅ៣ម មាត់លើ២០ម បាត៨ម ស្ថិតនៅព្រំប្រទល់ ឃុំរាជមន្ទីរ និងឃុំបន្ទាយក្រាំង ក្នុងស្រុកកំពង់រោទ៍ សំរាប់បំរើការស្រោចស្រពដល់ដីស្រែរាប់រយហិតា និងសេចក្តីត្រូវការរបស់ប្រជាពលរដ្ឋរាប់រយគ្រួសារ។ ការដ្ឋាននេះអនុវត្តដោយក្រសួងធនធានទឹក និងឧតុនិយម និងបញ្ចប់គំរោងសាងសង់ស្តាររយៈពេលមួយឆ្នាំ។
